Пандемијата со новиот коронавирус донесе големи промени и во светот на подземјето и проституцијата.
Како и со легалниот бизнис, така COVID-19 удри и по оние нелегалните каде дојде до промена на цените, снаоѓањето и нови правила.
Поранешниот шеф на Службата за безбедност на Србија, Божа Спасиќ, открива како сега функционира белградското подземје.
„Градската или елитната проституција сега личи на достава на домашна адреса. На одредени броеви, или пак по препорака, девојките се 'нарачуваат'. Тие доаѓаат на дестинацијата, понекогаш во стан, вили или викендици“, вели тој.
Повеќе ги нема препознатливите забави на дунавските сплавови, а хотелите кои имаа посебни соби за вакви бизниси веќе не работат, ниту пак оние рецепционери кои беа врска со подземјето.
Проблем за макроата стана и тоа што не може да се групираат бидејќи полиијата и да не може да ги открие, конкуренцијата ќе ги пријави.
„Поради тоа повеќе не се организираат големи забави, туку се гледа како само да се заврши работата и да се продолжи понатаму. Покрај тоа, по апсењето на старлетата Тијана Ајфон во мај годинава, во светот на проституцијата сега се многу повнимателни. Дојде до затишје, но не само од страв од короната, туку од страв од апсење. Во подземјето се и тоа какао свесни дека полицијата сѐ уште ги нема искористено сите податоци до кои дојде со тоа апсење во мај“.
Сепак, цените за услугите рипнаа токму поради ризикот од разоткривање, додека пак геј проституцијата бележи зголемување во побарувачката.
„Пораст на цените секогаш се случува кога ќе падне некое големо име. Геј проституцијата е во пораст и во Белград ја има сѐ повеќе. Тоа е пазар кој цело време се менува и секогаш опстанува без разлика на ситуацијата“, објаснува поранешниот разузнавач.