Трејси Волдер, поранешна специјална агентка на ФБИ и офицерка на ЦИА, сподели неколку совети кои ќе ви помогнат да патувате побезбедно. Меѓу другото, таа зборуваше за тоа на кои катови е најбезбедно да се резервира хотелска соба.
Пред да патувате, проверете дали постои закана од тероризам на локацијата на која одите. Таа, исто така, користи апликација која при итен случај ги известува нејзините контакти за тоа каде се наоѓа.
На својот куфер таа става air tag (уред што може да се закачи за разни предмети, како клучеви или ранец, а може лесно да се следи преку апликација), а нејзината 8-годишна ќерка носи и нараквица со уред за следење. Напомена дека никогаш не резервира приватно сместување бидејќи е крајно опасно.
Вели дека по изборот на хотел, секогаш треба да резервирате соба која е помеѓу 3 и 6 кат. Додаде дека овие соби се наоѓаат доволно блиску до излезот доколку е потребно итно да се напушти хотелот, но и дека се доволно далеку од крадци и киднапери кои може да се појават таму.
„Крадците и киднаперите го бираат најлесниот пат, а тоа е секако влегувањето на 1 кат затоа што е најпристапен. Што се однесува до бегство од хотелот, ако сте на 20 или 21 кат ќе биде многу тешко за да излезете“, рече таа за SWNS.
Откако ќе стигне во собата, таа секогаш користи дополнителна безбедносна брава. Објасни дека ги практикува овие заштитни мерки бидејќи се чувствувала небезбедно за време на едно службено патување.
„Јас сум во друга земја и шпионувам луѓе. Морам да претпоставам дека некој можеби знае која сум и се обидува да ми наштети“, рече таа.
