Поранешниот украински претседател Петро Порошенко на социјалните мрежи објави дека е заразен со новиот коронавирус.
Тој наведе дека поради тоа ќе остане дома да се лекува и се надева на брзо закрепнување. Ги повика сите Украинци да се грижат за себе. Тој боледува од дијабетес, со што е изложен на поголем ризик од развој на компликации од COVID-19.
55-годишниот Порошенко беше претседател на Украина од 2014 година до 2019 година, откако на претседателските избори загуби од комичарот Володимир Зеленски, кој дотогаш немаше никаков политичко искуство.
Украина е една од најсиромашните земји, со 40 милиони жители. Досега се регистрирани над 204.000 заразени со коронавирусот и над 4.000 починати од компликации.