В четврток (28 декември) во кафе-книжарницата „Буква“ ќе се случи осмата „Поетска епизода“ во организација на младинската неформална организација за култура „Култура Бета“.
На последното издание за оваа година поезија ќе настапат поетите Николина Андова-Шопова, Емануела Ковачевска-Китановска, Драган Атанасов, Милена Сиљановска и Никола Наумовски, Дарија Јовановска, Андреј Анѓеловиќ и Вероника Димоска.
Настанот ќе го модерираат Ивана Јовановска и Андреј Медиќ-Лазаревски, а е организиран со поддршка на Europe House Скопје.
Воедно, ова е и последен настан на „Култура Бета“ за оваа календарска година со што и се затвора серијата културни настани што ги организираше ова здружение меѓу кои се случија пет поетски читања, започна мултимедијалното книжевно читање „Клинци“, две изложби на Марија Јаќовска и Тамара Блажевска и промоција на албумот „Еј, шо прајш таму!?“ на Кенопсија.
Повеќе информации може да најдете на kulturabeta.com
