Над пет милиони луѓе го следеа последниот лет на кралицата Елизабета Втора додека нејзиниот ковчег и посмртните останки беа пренесувани од Единбург, Шкотска во Лондон вчеравечер.
Тоа беше лет што го следеле најмногу луѓе во историјата, покажуваат статистичките податоци.
Flightradar24, веб-страница која ги следи летовите на авиокомпаниите ширум светот, објави дека 4,79 милиони луѓе го следеле летот онлајн, а уште четвртина милион луѓе го гледале летот на YouTube.
Компанијата соопшти дека шест милиони луѓе се обиделе да го следат летот во првата минута од полетувањето на Boeing C17A Globemaster од аеродромот во Единбург, загрозувајќи ја стабилноста на платформата.
„Седумдесет години од првиот лет на кралицата со BOAC Argonaut Atalanta, последниот лет на кралицата Елизабета Втора е најследен лет во историјата на Flightradar24“, објави директорот за комуникации на компанијата во е-пошта.
Елизабета, монархот со најдолг стаж во Британија, почина на 8 септември во замокот Балморал во Шкотска. Нејзиниот погреб ќе се одржи на 19 септември во Лондон.
Flightradar24 објави дека двојно повеќе луѓе го следеле тој лет од претходниот рекордер. Претходно, 2,2 милиони луѓе го следеа летот на претседателката на Претставничкиот дом на САД, Ненси Пелоси, кога таа отпатува во контроверзна посета на Тајван во август.
