Колку едноставни состојки, а колку вкусни. Особено кога имате леб што не знаете како да го искористите. Ова вегетаријанско јадење можете да го послужите како целосен оброк.
Потребни состојки:
- 1 средна тиквичка
- 200 гр сув леб
- 2 јајца
- 100 мл павлака за готвење
- 100 мл млеко
- 30 гр пармезан
- 1 чешне лук
- 1 лажичка сув босилек
- ½ лажичка ким
- сол
- бибер
- масло
Подготовка:
Издробете го лебот и ставете го во сад. Прелијте го со млеко и павлака и убаво измешајте, па оставете го настрана да кисне најмалку 15 минути.
Тиквичките исечкајте ги на многу тенки прстени, а во сад измешајте ги ситно сечканиот лук, јајцата, кимот, босилекот и пармезанот и зачинете со малку сол и бибер.
Измешајте ги леб, тиквичките и смесата од јајца. Огноотпорен сад малку подмачкајте со масло и истурете ја смесата. Се пече во загреана рерна на 180°C околу 40 минути.
