Почетокот на мундијалските квалификации за нашата репрезентација се од Букурешт каде в четврток играме со Романија чиј состав сега е исто така познат.
Романската репрезентација се соочува со проблеми поради коронавирусот бидејќи нивниот селектор Мирел Радои е позитивен и нема да може да го води составот в четврток на отворањето против Македонија. Фудбалската федерација на Романија одлучи како заменик-селектор за овој натпревар да биде Николае Дика, кој е всушност еден од двајцата помошници заедно со Флорин Константинович.
Проблеми имаат и со голманската позиција каде по пензионирањето на Чиприан Татарушану нема искусен голман. Згора на тоа, поради кластер во Интер мораше да откаже Андреј Раду, а тројцата повикани имаат вкупно само 3 репрезентативни настапи.
Дополнителен проблем за составот е отсуството на искусниот централен дефанзивец Драгош Григоре, кој е повреден.
Повикани се 24 фудбалери, а четворица се на стенд-бај и ќе влетаат доколку има потреба. Дури деветмина се играчи кои настапуваат во домашната романска лига, а најмногу странци има од Италија.
Флорин Ница - Спарта (Чешка)
Давид Лазар - Астра
Флорин Јакоб - УТА
Василе Могош - Киево (Италија)
Јонуц Неделчеару - АЕК (Грција)
Алин Тошка - Газиантеп (Турција)
Влад Кирикеш - Сасуоло (Италија)
Андреј Бурка - Клуж
Марио Камора - Клуж
Овидиу Попеску - Стеауа
Нукушор Банку - У Крајова
Разван Марин - Каљари (Италија)
Александру Срецу - Марибор (Словенија)
Николае Станчу - Славија (Чешка)
Јанис Хаџи - Ренџерс (Шкотска)
Александру Максим - Газиантеп (Турција)
Ерик Бикфалви - Урал (Русија)
Валентин Михаила - Парма (Италија)
Денис Ман - Парма (Италија)
Флорин Танасе - Стеауа
Флоринел Коман - Стеауа
Александру Чикалдау - У Крајова
Клаудиу Кешеру - Лудогореџ (Бугарија)
Џеорџе Пушкаш - Рединг (Англија)
Натпреварот се игра в четврток со почеток од 20:45 часот (21:45 по локално) на „Арена Национала“ стадионот во Букурешт. Тоа ќе биде одлична можност македонските фудбалери да се запознаат со ова здание со оглед на тоа што и првите два натпревари од претстојното Европско првенство ќе ги играме токму на овој стадион.
Игор Ангеловски македонскиот состав го соопшти во понеделникот.