Селекторот на македонската фудбалска репрезентација го објави својот прв список на повикани играчи за претстојните мундијалски квалификации.
Откако го наследи селекторското столче ова лето, за Благоја Милевски вистинскиот предизвик почнува сега. На почетокот од септември Македонија ќе одигра три квалификациски натпревари и тоа два дома, против Ерменија на втори и Романија на празникот 8 Септември, како и едно гостување кај Исланд на петти.
По тој повод Милевски објави список од 26 играчи меѓу кои 4 голмани, тројца дебитанти и тројца повратници. Милевски одлучи да го врати во репрезентацијата напаѓачот Адис Јаховиќ кого јавноста го бараше и претходно, но беше во спор со поранешниот слекетор Игор Ангеловски. Повратници се и офанзивното крило Никола Ѓорѓев, како и голманот Дени Илиев. Тројцата дебитанти се стоперот Серафимов, десниот дек Тодороски и напаѓачот Миовски, сите поранешни играчи од У21 репрезентацијата.
На списокот се наоѓа само еден играч кој доаѓа од домашната Прва лига, и тоа голманот на Работнички, Јанков. Милевски на пресот најави дека капитенот на Шкендија, Егзон Бејтулаи, унаку стандарден кај претходниот селектор, е на поширокиот список и во иднина може повторно да добие повик. Шкендија е во доста лоша форма летово и веројатно тоа е причината што ниту еден нејзин играч не е повикан.
Околу повикот на Зајков и Трајковски, кои воопшто немаат натпревари летово, Милевски го оправда со нивното репрезентативно искуство. Пензионирањето на Пандев и Тричковски направи мал вакуум од потребно искуство во националниот тим, особено во нападот каде игра Трајковски.
Адеми и Николов се на списокот, меѓутоа нивниот настап е неизвесен. Адеми има повреда и прашање е колку ќе биде подготвен да игра, додека Николов е во изолација поради коронавирус.
Голмани:
Столе Димитриевски - Рајо Ваљекано (Шпанија)
Дамјан Шишковски - Докса (Кипар)
Дејан Илиев - Серед (Словачка)
Ристо Јанков - Работнички
Одбрана:
Стефан Ристовски - Динамо (Хрватска)
Дарко Велковски - Ријека (Хрватска)
Висар Муслиу - Фехервар (Унгарија)
Кире Ристевски - АЕЛ (Кипар)
Езџан Алиоски - Ал-Ахли (Саудиска Арабија)
Тодор Тодороски - Раднички Ниш (Србија)
Стефан Ашковски - Шепши (Романија)
Ѓоко Зајков - Левски (Бугарија)
Никола Серафимов - Залаегерсег (Унгарија)
Средина:
Елиф Елмас - Наполи (Италија)
Енис Барди - Леванте (Шпанија)
Стефан Спировски - АЕК (Кипар)
Тихомир Костадинов - Ружомберок (Словачка)
Даниел Аврамовски - Кајсериспор (Турција)
Бобан Николов - Шериф (Молдавија)
Аријан Адеми - Динамо (Хрватска)
Напаѓачи:
Адис Јаховиќ - Ѓозтепе (Турција)
Милан Ристовски - Спартак (Словачка)
Бојан Миовски - МТК (Унгарија)
Дарко Чурлинов - Шалке 04 (Германија)
Александар Трајковски - Мајорка (Шпанија)
Никола Ѓорѓев - Грасхоперс (Швајцарија)
Собирот на репрезентативците е на 29 август во Скопје.