По вечерашните натпревари познати се сите четвртфинални двојки на Европското првенство во Германија и на Копа Америка во САД.
Така, во најдобрите осум на ЕУРО 2024 се пласираа Швајцарија, Германија, Англија, Шпанија, Франција, Португалија, Холандија и Турција.
Во четвртфиналето нѐ очекуваат спектакуларни натпревари кои ќе се играат во петок и сабота, а копјата ќе ги вкрстат Шпанија и Германија, Португалија и Франција, Англија и Швајцарија, односно Холандија и Турција.
Првите два споменати дуели се закажани за петок, додека другите два се еден ден подоцна, в сабота.
Сите натпревари од четвртфиналето ќе можете да ги гледате во директен пренос на МРТ1.
Распоред на четвртфиналните натпревари на ЕУРО 2024:
18:00 Шпанија - Германија (Штутгарт)
21:00 Португалија - Франција (Хамбург)
18:00 Англија - Швајцарија (Диселдорф)
21:00 Холандија - Турција (Берлин)
За разлика од ЕУРО, на Копа Америка четвртфиналето почнува веднаш по фазата по групи оти таму учествуваат помалку репрезентации, 16. Ноќеска се доигра и последната група, а пласман во најдобрите осум изборија Аргентина, Канада, Венецуела, Еквадор, Уругвај, Панама, Колумбија и Бразил. Аргентина, Венецуела и Уругвај тоа го направија со максимален скор, а Аргентинците дури не примија ниту гол.
Најинтересниот дуел во четвртфиналето е секако старото големо дерби помеѓу Бразил и Уругвај. Бранителот Аргентина се чини дека има отворен пат до финалето оти доколку го мине Еквадор потоа ќе игра со победникот од дуелот на Венецуела и Канада.
Натпреварите од Копа Америка во Македонија можат да се следат низ преноси на каналите на Arena Premium.
четврток кон петок:
3:00 Аргентина - Еквадор (Хјустон, Тексас)
петок кон сабота:
3:00 Венецуела - Канада (Арлингтон, Тексас)
сабота кон недела:
0:00 Колумбија - Панама (Глендеил, Аризона)
3:00 Уругвај - Бразил (Перадајс, Невада)
