Според обложувалниците, Англичаните и понатаму се први фаворити на ЕП, а избраниците на Герет Саутгејт се на пат до полуфиналето со Швајцарија, кој покажа сериозен квалитет со доминантниот настап против Италијанците во осминафиналето. Англичаните и Швајцарците ќе играат во сабота на 6 јули во Диселдорф.
Според мислењето на добар дел од фудбалската јавност, Англичаните не ја оправдаа улогата на фаворити иако се пласираа меѓу осумте најдобри.
Ремизираа со Словенците и Данците, а против Србија и Словачка забележаа макотрпно изборени минимални победи. Повеќето вината ја префрлаат на Герет Саутгејт.
Англискиот тренер го обвинуваат за невешт пристап иако има тим полн со играчи од светска класа на сите позиции и официјално највредниот тим на целиот турнир.
И покрај тоа, Англичаните не успеваат постојано да ги надигруваат противниците и се мета на критики, а во одбрана на селекторите сега застана Фил Фоуден, ѕвездата на Манчестер Сити и крило на репрезентацијата:
„Критиките против нас се оправдани, но ние играчите мораме да понесеме дел од нив. Тренерот ја одредува тактиката, нè става во систем, но на крајот сепак ние реагираме на теренот. Не е пријатно да се слушнат сите погрдни зборови против селекторот. Секоја екипа мора да има лидер, а исто така и некој што ќе реагира на вистински начин кога работите не одат како што треба.“
