Откако Роналдо потпиша за Ал Наср во Саудиска Арабија, Георгина со децата се пресели во Ријад, каде што ќе мора да почитува нови правила, соопшти шпанското Министерство за надворешни работи.
Тоа што многумина ги шокираше е фактот што на Роналдо му е дозволено Георгина да остане со него во куќата, иако не се во брак.
Кодекс на облекување
Исто како што направи за време на претставувањето на Роналдо во клубот, во јавност Георгина ќе мора да носи абаја, долга туника во темна боја. Кодексот на облекување налага скромна и пристојна облека, па затоа не смее да носи тесна или проѕирна облека.
Алкохол и исхрана
Увозот на алкохол и прехранбени производи од свинско месо е строго забранет. За време на Рамазан, помеѓу март и април, не смее да се јаде, пуши или пие на јавно место.
Туристички посети
Бидејќи не е муслиманка, забрането ѝ е да ги посетува светите градови, како Мека и Медина и други места, но тоа може да го направи доколку добие дозвола.
