Предлог што да зготвите за денешниот ручек.
Потребни состојки:
4 парчиња лосос
2 лути пиперки
2 лажици јаболков оцет
2 лажици мед
1 лажица соја сос
Лимонов сок
Сол и бибер
Магдонос
Маслиново масло
Начин на подготoвка:
Загрејте ја рерната на 220 степени. Додека да се загрее рерната, направете го преливот за рибата. Измешајте мед, оцет и соја сос со исечкана лута пиперка(зелена или чили, по ваш избор) и бибер. Оставете го преливот да се динста на тивок оган околу 10 минути, па тргнете го на страна.
Исечете ги парчињата лосос на ленти, премачкајте ги со маслиново масло и посолете ги. Намачкајте го тавчето со масло, ставете ги парчињата лосос и додајте од претходно подготвениот прелив.
Печете ги околу 10 минути, извадете ги парчињата лосос од рерна и повторно додајте од претходно подготвениот прелив. Вратете го лососот во рерна и печете уште 10 минути.
Пред да ја сервирате рибата, додајте уште малку од преливот, посипете ја со сок од лимон, магдонос и посолете. Послужете со варен ориз.