Просторот за складирање во кујната е одличен начин да ја направите вашата кујна да изгледа уредно. Сепак, празните полици не значи дека било какви предмети треба да оставате таму. Ова особено се однесува на просторот под мијалникот.
Во некои домаќинства, просторот под кујнскиот мијалник служи како основно складиште за сè, од средства за чистење до сијалици и батерии, но за жал, условите под мијалникот не се безбедни.
Една од најважните работи што не треба да се чуваат под мијалник се апаратите за домаќинство. Без разлика што се исклучени, ова не е добро место за нив, бидејќи цевките може да откажат и водата да ги оштети.
Работите што се запаливи треба да се избегнуваат, а тоа се однесува на сите видови алкохол, аеросоли, лакови, растворувачи, разредувачи и други средства за чистење.
Избегнувајте да чувате и храна под мијалникот, а тоа важи за сите видови храна, дури и за оние наменети за вашите миленици. Причината зошто тие не припаѓаат таму е затоа што тој простор има тенденција да создаде влага и потенцијална мувла. Од истата причина на ова место не треба да оставате ниту садови.
Под мијалникот нема место ниту за сијалици, бидејќи евентуално истекување на вода може да предизвика нивна неисправност. Исто така, избегнувајте да чувате хартиени крпи под мијалникот, бидејќи тие може да станат влажни и валкани.
Но, сè уште има многу работи кои се совршено безбедни за чување под мијалникот. Ставете корпа за отпадоци или корпа за рециклирање под мијалникот, а таму можете да чувате и кеси за отпадоци и резервни сунѓери.
