Времето претпладне ќе биде сончево со мала до умерена локална облачност. Во попладневните и вечерните часови ќе има развој на нестабилна облачност со локален пороен дожд, грмежи и засилен ветер.
Минималната температура ќе биде во интервал од 9 до 17, а максималната ќе достигне од 25 до 33 степена. УВ индексот изнесува 7.
Во Скопје, претпладне сончево со слаб северен ветер. Од пладне ќе има развој на нестабилна облачност со повремен пороен дожд, грмежи и засилен ветер. Минималната температура ќе се спушти до 13, а максималната ќе достигне до 30 степени.
Во сабота ќе дува засилен северен ветер, а претежно во планинските подрачја ќе има појава на краткотраен дожд.
Од недела следува период на претежно стабилно време со постепен пораст на дневните температури.