Вчера беше приведен уште еден осомничен за нападот на метро станицата „Parsons Green“ во Лондон. Детективите и полицијата тврдат дека имаат докази за негова вклученост во она што беше карактеризирано како терористички напад, од страна на властите на Англија.
Се работи за 21-годишник кој беше приведен вчера околу 11:50 по локално време, а кој се врзува со настанот кој се случи во петокот. Осомничениот бил пронајден во куќа во околината на Лондон, поточно во Хаунслоу.
Тој сега се наоѓа во притвор под обвиненија содржани во Актот за тероризам.
Претходно беше уапсен и 18-годишник во близината на Довер, за кого исто така се верува дека има поврзаност со терористичкиот акт. Полицијата евакуираше повеќе од 60 домаќинства од околината на станицата која беше нападната, како мерка за претпазливост.
