Полициски службеници од тимот потраги од одделенијата за криминалистички работи Центар и Бит Пазар вчера ја лишиле од слобода С.Д. (26) од Скопје, барана за доиздржување затворска казна.
Како што соопшти Министерството за внатрешни работи, таа била осудена на казна затвор од четири години и три месеци за сторени кривични дела „тешка кражба“ по член 236 и „насилство“ по член 386 од Кривичниот законик.
Барана била по централна потерница од Казнено-поправната установа Затвор Идризово за доиздржување затворска казна од речиси шест месеци.
Лицето е спроведено во казнено-поправната установа за доиздржување на казната, инфромираат од МВР.
