Од почетокот на руската инвазија на Украина, Европската Унија произведувала дури четвртина од својата електрична енергија од сончева и ветерна енергија, повеќе од кога било досега, покажа истражувањето на консултантските компании Ember и E3G.
Од март до септември, дури 24 отсто од електричната енергија во ЕУ се произведувала од сончева и ветерна енергија, според Ember и E3G, специјалисти за економски и политички теми.
Уделот на електричната енергија од тие два извора е за три процентни поени поголем од истиот период лани, покажа истражувањето.
19 земји од ЕУ произвеле рекордно количество „зелена“ струја
Вкупно, 345 терават часови (TWh) електрична енергија се произведени од ветер и сонце, 12,7 отсто повеќе отколку во 2021 година.
Според студијата, Германија постигнала рекорд од март со 104 TWh.
Вкупно 19 земји од ЕУ произведоа рекордно количество електрична енергија во фотоволтаични системи и ветерни електрани, вклучувајќи ги Франција, Италија, Полска и Шпанија.
„Рекордно зголемување (на електрична енергија) од обновливи извори во споредба со минатата година ја спаси потребата од осум милијарди кубни метри фосилен гас и трошоците од 11 милијарди евра“, се вели во соопштението.