Променливо облачно и посвежо време со повремени врнежи од дожд, претежно во јужните делови од земјата ќе преовладува денеска во земјата.
Ќе дува слаб до умерен, а долж Повардарието повремено засилен северен ветер.
Минималната температура ќе биде во интервал од три до 11, а максималната ќе достигне од 16 до 22°C.
Во Скопје, променливо облачно со умерен до засилен северозападен ветер. Минималната температура ќе се спушти до седум, а максималната ќе достигне до 21°C.
Во сабота, температурата ќе опадне за неколку степени и следува период на променливо облачно и посвежо време наместа со повремен дожд и услови за ретки грмежи. Врнежите ќе бидат поинтензивни во сабота во текот на ноќта и во недела преку ден.
