Неколку локации беа искористени за снимање на сцените што се случуваат во измисленото училиште Хогвортс од франшизата филмови за момчето кое преживеа - Хари Потер. Овие локации се отворени за туристичка посета.
Сите кои го сакаат светот на имагинацијата и фантазијата знаат за Хогвортс, училиштето за волшебници и вештерки од популарните „Harry Potter“ филмови. Има астрономски кули и зандани во кои се сместени училници и спални, трпезарија со спектакуларен таван и буварник. Но, дали некогаш сте се запрашале дали постои таков замок?
Одговорот е и да и не. Пред сè, затоа што замокот Хогвортс каков што го знаеме од книгите, филмовите и игрите е целосно фикција. Сепак, некои делови од зданието што можете да ги видите во филмот постојат и во реалноста, и тоа не е само еден - ги има неколку. Затоа, сега можете да зачекорите во магичниот свет со нас.
Овој замок најмногу се користел за снимање на првиот и вториот дел од филмот за Хари Потер. Карактеристично за него е тоа што никој не знае кога е изграден, иако повеќето историчари се согласуваат дека постоел за време на ерата на Норманите. Некаде на почетокот на XIV век го купил Хенри Перси, а интересно е што сè уште е во сопственост на неговите потомци.
До Алнвик е најлесно да се стигне од Единбург, а она по што е најдобро познат меѓу обожавателите на Хари Потер е тоа што во него се одржуваат часови по летање.
Долгите дрвени маси на кои постојано се надополнува храната и величествениот и магичен таван горе - да, тоа е Големата сала. Во првите два филма за Хари Потер, колеџот Крајстчрч во Оксфорд се користеше за снимање на сцените што се случуваа во Големата сала и скалите што водат до неа.
Речиси и да нема дете во последниве 20 години кое не сонувало да добие писмо откако ќе наполни 11 години и да отиде на платформата 9¾, од каде што оди со воз до училиштете за вештерки и волшебници. Возот што може да се види во филмовите постои и сообраќа во Шкотска и е наречен Jacobite Express. Но, станицата во Хогвортс, всушност селото Хогсмид, е всушност железничката станица Готланд, која можете сами да ја посетите сосема лесно бидејќи се наоѓа во срцето на Националниот парк Јорк Мурс, познат по своите нереални пејзажи.
Следна станица - Забранетата шума.
Веројатно повеќето од старите библиотеки наликуваат на оние што можете да ги видите во филмовите за Хари Потер, но каде е вистинската? Одговорот е - Оксфорд, а отворена е и за посетители. Тоа е најстарата читална на гореспоменатиот универзитет по име Дјук Хемфри во библиотеката Бодлиан, која датира од XV век.
Опатијата Лакок служеше како училница на професорот Снејп во првиот дел. Подоцна била реконструирана и пренесена во студиото кое се користело за снимање на останатите делови.
Додека катедралата Дурам се користеше за снимање на сцените што се случуваат во училницата за преобразување на строгата и секогаш праведна професорка МекГонагал.
Сцената во која Хермајни му објаснува на Рон дека не е левиоСААААА, туку левиОса во училницата за магии сега е веќе култна, а настанала внатре во ѕидините на училиштето Хароу, кое се наоѓа во Мидлсекс. А она што е интересно во врска со него е тоа што дабовите ѕидови на оваа училница ги зачувуваат потписите на поранешните ученици - вклучително и некои што можеби ги знаете, како Винстон Черчил.
Позната по своите неверодостојни пророштва - барем за повеќето - професорката Трилејни живееше и држеше предавања во една од кулите на замокот. А за да се дојде до неа, треба да се качи по едни од многуте кривулести скали на Хогвортс. Затоа, режисерите на серијата ги избраа скалите што најдобро одговараат на описот и се наоѓаат во една од кулите на катедралата Сент Пол во Лондон.