„Навистина ништо не можеше да ме подготви за моментот кога ја отворив устата на рибата и го видов овој вонземјанин со сини очи како зјапа во мене“, вели студентот кој случајно уловил риба која имала паразит во устата.
Самата помисла е застрашувачка, но реална: паразит кој го гризе јазикот на својот домаќин, го зазема своето место во устата и останува таму до крајот на својот живот.
Токму едно вакво чудо на природата неодамна откри студент од Јужна Африка. Фотографии од оваа ретка сцена сподели со научната заедница и пошироката јавност.
Дон Марк, 27-годишник од Кејп Таун, ловел риба во близина на Иглениот 'Рт кога на јадицата се закачила риба цупула тешка скоро 3 килограми. Првичната возбуда од добриов уловот наскоро ја заменил шокот кој настанал кога почнал да ја вади јадицата. Од устата на рибата го погледнале, како што опишува, очите на „вонземјанинот“.
Марк, кој всушност студира морска биологија, слушнал за паразити кои се вдомуваат во устата на местото на јазикот, но никогаш не ги видел во природата.
Откако ја испратил фотографијата до професорот Ник Смит, зоолог од Универзитетот Норт-вест, се воодушевил кога открил дека овој вид паразит никогаш порано не бил фотографиран.
„Бидејќи сум морски биолог и ловам риби уште од дете, ова го гледам како мој придонес за подобро разбирање на паразитите кои живеат на или на местото на јазиците од риби и ајкули“, изјави тој за Daily Mail.
„Но, ништо навистина не можеше да ме подготви за моментот кога ја отворив устата на рибата и го видов овој вонземјанин со сини очи како зјапа во мене“.
Паразитите кои јадат јазици се познати со децении, но само во последниве години започнаа обемни студии за нивниот животен циклус и однесување.
Се верува дека сите видови на паразити кои го јадат јазикот го започнуваат својот живот како мажјаци, пловејќи низ океанот барајчи риби на кои би можеле да се закачат.
Се чини сите видови паразити - досега се идентификувани над 280 - целат кон само еден вид риба.
Откако паразитот ќе ја најде рибата домаќин, минува низ жабрите. Ако друг паразити не е вече сместен во рибата, новиот се сместува во устата, каде што се прикачува на јазикот. Користи преден уред за вшмукување, а се храни со пиење крв. За време на овој процес мажјакот се трансформира во женка, а телото неколкукратно се зголемува заедно со нозете, кои ги користи за да се закачи за рибата. Очите му се намалуваат бидејќи повеќе не му се потребни.
Кога јазикот на рибата на крајот умира и отпаѓа поради недостаток на крв, паразитот се приврзува на коренот на јазикот и ефикасно го заменува.