Животот многупати ќе ве донесе во ситуација каде единствениот предизвик ќе биде дали ќе ја кажете вистината или ќе „треснете“ некоја лага. Малите лаги можеби се корисни кога сакате да ги „откачите“ другарите, но сѐ се менува кога ќе влезете во канцеларија.
Ако не сте вешт лажго не се ни трудете да останете дома под изговор дека имате смртен случај во фамилијата. Особено не се „вадете“ на почината баба која е здрава и жива, а кога навистина ќе почине сите да си мислат дека одамна „скинала конци“.
Нека не ве лаже ум да си припишувате вештини кои ни од близу не ги поседувате. Жестоките кафе-цигарче муабети често го вадат најлошото од вас, но нареден пат кога ќе треба да се монтира нешто во Photoshop или ќе си платите курсеви или ќе ја свиете опашката и ќе си ја признаете лагата.
Никој не сака да признае, но често се успиваме. Во моменти кога вниманието е свртено кон вашето доцнење обидете се да не измислите некоја болест. Кога некој ќе спомне болест човек веднаш се загрижува, но расте и неговото љубопитство. Затоа, ако не сте некој патолошки вешт лажно едноставно размислете колку мака ќе си заштедите со едно „се успав“.
Тоа што сте спори или заборавени е ваша вина, немојте да му ја префрлате на компјутерот. Кога се жалите на технологија следниот чекор е посета на некој од IT, а сите ќе ве гледаат како жива утка откако ќе утврди дека сѐ е во ред со компјутерот, а вас повторно не ве бива.
Тешко е, но нереден пак кога сте под притисот обидете се да не излажете. Кажете ја вистината, за тоа треба храброст, а храброста и преземањето одговорност е она што се цени.
