Австралиската комичарка Ребел Вилсон го објави раѓањето на нејзината ќерка Ројси Лилијан, што минатата недела ја доби со помош на сурогат-мајка. Актерката ја сподели среќната вест на Instagram.
„Не можам да ја опишам љубовта што ја имам кон неа, таа е прекрасно чудо! Засекогаш сум им благодарна на сите вклучени (знаете кои сте), за ова се подготвував со години. Но, особено сакам да ѝ се заблагодарам на мојата прекрасна сурогат-мајка. Ти благодарам што ми помогна да основам семејство“, напиша 42-годишната актерка.
Исто така, рече дека е подготвена да ѝ ја даде „сета љубов што може да се замисли“ на малата Ројси Лилијан.
„Брзо учам. Многу почит до сите мајки! Горда што сум во вашиот клуб“, додаде Ребел.
Вилсон во јуни откри дека е во врска со модната дизајнерка Рамона Агрум од Лос Анџелес.