Печурки со кисела павлака во комбинација со ориз се одличен предлог за ручек.
Состојки (за 4 лица)
- 500 гр печурки (шампињони, буковки, портобело)
- 100 гр црвен кромид
- 40 гр путер
- 15 гр лебни трошки
- 250 мл кисела павлака
- 1 лажица сечкан магдонос
- 1 лажица сув зачин
- сол, бибер
Подготовка:
Исчистете ги и исечете ги печурките.
Исечканиот кромид кратко пропржете го на путер, додајте ги печурките, зачините, сол и бибер.
Динстајте ги сите заедно на умерена температура додека течноста не испари.
Додадете ги трошките од леб, па динстајте уште пет минути.
Потоа тргнете го тавчето од шпоретот, измешајте ја киселата павлака и посипете со магдонос.
Послужете со варен ориз.
Добар апетит!
