Полјаците мусаката ја прават со 4 видови зеленчук, мелено месо и миризливи зачини, а на крајот ја посипуваат со кашкавал.
За ручек ви предлагаме да направите вкусна мусака на полски начин.
Мусаката е традиционално јадење кое се прави од мелено месо и компири, а секоја земја има свој рецепт кој ова јадење го прави уште повкусно. Во Полска ја јадат така што ѝ додаваат разновиден зеленчук, а потоа сето тоа го посипуваат со кашкавал кој се развлекува кога ќе се испече. Интересно е што Полјаците, за разлика од останатите, не додаваат никаков прелив, а мусаката сепак им е сочна.
Потребни состојки:
- 6-7 компири
- 1 модар патлиџан
- 800 гр мелено месо
- 1 кромид
- 80 гр путер
- 3 лажици масло
- 2-3 домати
- 100 гр кашкавал
- 1 лажичка италијански зачин
- 1 лажичка блага пипер
- ½ лажичка коријандер
- копар
- сол
- бибер
Подготовка:
Модриот патлиџанот и компирите исечкајте ги на коцки, па истурете ги во тава. Зачинете со сол и бибер, а потоа посипете со италијански зачин, коријандер и пипер. Прелијте со растопен путер и убаво измешајте. Потоа ставете во рерна на 180°C околу 40 минути. За тоа време пропржете го сечканиот кромид, па додадете го меленото месо и зачинете по желба. Зеленчукот извадете го од рерна, па прелијте го со прженото мелено месо. Наредете ги исечените домати, па посипете со рендан кашкавал. Вратете во рерна уште 20 минути.
