Реклама за фрижидер од 50-тите години на минатиот век стана доста популарна на TikTok, при што корисниците се одушевени од распоредот на полиците што овозможуваат максимална организација.
Снимките со начинот на организирање на контејнерите во оставата, плакарот и другите предмети што ги користиме секој ден во нашето домаќинство се хит на TikTok.
Тоа можеби е и една од причините зошто многумина на оваа мрежа „полудеа“ по фрижидер од 1950-тите кој повеќе не се ни произведува.
На TikTok беше споделено црно-бело видео од стара реклама за фрижидер, а внатрешниот распоред е она што многумина ги воодушеви.
Жената од видеото прво покажува на полица од внатрешната страна на вратата која има еден дел за шишиња и две мали фиоки за сирења и путер.
Одоздола има сад за зеленчук кој може целосно да се одвои за да се направи миењето и ставањето на овошјето и зеленчукот во фрижидер едноставно и практично.
Внатрешноста на фрижидерот има околу пет „големи цврсти полици“ кои се тргаат до крај за да ви помогнат да ги достигнете работите ставени одзади.
Потоа, тука е замрзнувачот, кој има мала преграда за коцки мраз и пригоден начин како да ги извадите од фиоката.
@jessrani_ #fyp #foryou #page #food ♬ Spooky, quiet, scary atmosphere piano songs - Skittlegirl Sound
Многумина во коментарите истакнаа дека „срамота е што повеќе не се произведуваат вакви модели“.