Македонската репрезентативна кошарка го допре дното, откако националниот тим во конкуренција на Естонија и Косово не успеа да ги мине претквалификациите за пласман во квалификацискиот циклус за Светското првенство во 2019 година.
Македонија, која во средата со поразот во Естонија ги заврши натпреварите во групата, вечерва очекуваше победа на Естонија во Приштина за да го освои второто место и да избори мундијалски квалификации.
Сепак квалификации за СП ќе игра Косово, откако во драматичен меч успеа да ја совлада Естонија 75:69 (24:22, 11:16, 19:14, 21:17).
Косово и Естонија одиграа драматичен меч, кој домашната репрезентација го реши во последната минута.
Неуспехот ја враќа Македонија при дното на европската кошарка, а доаѓа по само шест години откако беше постигнат историскиот успех и освоеното четврто место на ЕП во Литванија.
