Португалскиот напаѓач Кристијано Роналдо дебитираше во првенството на Саудиска Арабија и ги одигра сите 90 минути за својот нов клуб Ал Наср.
Клубот на еден од најдобрите светски фудбалери со минимални 1:0 го победи Ал Итифак во 14. коло од шампионатот пред своите гледачи.
Гол вреден три бода во 31. минута постигна одличниот бразилски фудбалер Талиска, кој по договорите со Бенфика и Бешикташ реши да се повлече од големата сцена.
Со години играше за кинескиот Гуангжу, а сега веќе втора сезона го носи дресот на Ал Наср.
Роналдо беше капитен на Ал-Наср на овој натпревар на кој вложи голем напор и имаше неколку можности за гол.
Сепак, тој премногу често себично истапуваше сам во нападот без да ги круниса ваквите напори со гол. Дебито го одбележа и одличниот дриблинг на Португалецот што го излудуваше противникот.
Да потсетиме, Роналдо пред неколку дена учествуваше на пријателскиот натпревар против ПСЖ кога „Парижаните“ победија со 5:4, а Португалецот постигна два гола