По освојувањето на Златната топка во 2017 година, Кристијано Роналдо избра 6 фудбалери кои би можеле да го наследат како најдобри играчи во светот. Но, како поминаа тие прогнози?
Роналдо моментално атакува на својата втора титула европски првак, а таму со репрезентацијата на Португалија стигна до четвртфиналето каде го чека Франција.
Допрва треба да постигне гол на ова ЕУРО, но ги одигра сите натпревари и ќе направи сѐ за тоа се случи против Франција. Најави и дека ова е негов последен настап на Европските првенства.
Но, Роналдо во 2017 година избра 6 фудбалери за кои веруваше дека ќе го наследат како најдобри во светот. Сепак, изборите не поминаа баш како што треба и има големи промашувања.
Прв од промашувањата е Марко Асенсио. Во моментите кога Роналдо го кажа тоа, Асенсио беше навистина голем талент на Реал Мадрид. Но, во меѓувреме неговата кариера доживеа пад, тој се пресели во Пари Сен-Жермен, а ниту селекторот на Шпанија не го повика на ЕУРО.
Друг голем неуспех е Еден Азар. Некогаш фантастичниот Белгиец не само што пропушти да се наметне како најдобар играч на Реал, туку кариерата ја заврши во агонија по големите проблеми со повредите и формата. Роналдо сѐ уште игра, а 6 години помладиот Азар е пензиониран.
Промашување е и Маркус Рашфорд. Од некогаш најталентираниот играч на Манчестер Јунајтед, тој стана опција за клупата. Ниту Рашфорд го немаше на списокот на патници за ЕУРО 2024.
Усман Дембеле исто така беше на списокот на Роналдо со „6 нови големи работи“. Високо талентираниот француски напаѓач одвреме-навреме покажуваше класа, но се чини дека поради недисциплина и недостаток на работна етика никогаш не го достигнал својот целосен потенцијал.
Двајцата најдобри фудбалери на листата се блиску до оправдување на овој епитет. Секако, Килјан Мбапе е на листата, според многумина најдобриот светски фудбалер во моментов. Напаѓачот го напушти Пари Сен-Жермен и од следната сезона ќе игра во Реал Мадрид, а ова ќе биде идеална можност да ја освои Златната топка што му ја предвиде Роналдо.
Последен на списокот на Роналдо е Нејмар. Бразилецот одвреме-навреме покажуваше перформанси достојни за најдобриот играч во светот, но преселбата во Саудиска Арабија го забави неговиот развој и прашање е дали повторно ќе го видиме на највисоката светска сцена.
