Претставникот на Москва во ОН ја спореди канонадата од лажни вести за конфликтот во Украина со гранатирање на град.
Среде војната во Украина западните земји водат медиумска војна не само против Русија, туку против целата меѓународна заедница, рече Василиј Небензја, рускиот претставник во Обединетите нации.
Зборувајќи за време на презентацијата на документарецот „Journalists Under Fire“ на RT во ОН, високиот дипломат забележа дека Русија се нашла под огромен медиумски притисок откако ја започна својата воена операција во Украина кон крајот на февруари годинава.
Небензја рече дека покривањето на конфликтот од Западот е оцрнето со „огромен број на лажни вести за активностите на руската армија, како и за целите, објективите и мотивот“ на руската кампања во Украина.
„Не е тајна дека Западот покрена вистинска информациска војна против нас, која што ги погодува не само жителите на Русија и Украина, туку и луѓето ширум светот“, повтори тој.
Продолжи понатаму споредувајќи го медиумското покривање од страна на Западот со вистинските украински бомбардирања на цивилната инфраструктура. „Како што западното оружје сега ги гаѓа градовите во Донбас и ослободените територии, западната пропаганда пука 'информациски гранати' врз сопствените граѓани“, тврди тој.
Според Небензја, медиумскиот јуриш е штетен за обичните луѓе, кои „губат осет со реалноста, стануваат вознемирени и збунети“ кога се бомбардирани со бескрајна канонада од невистини. Исто така, ја губат способноста за критичко мислење, додаде тој.
Откако Русија ја започна својата, како што ја нарекува, специјална воена операција во Украина, западните земји воведоа невидена цензура на руските медиуми во странство, а ЕУ го забрани емитувањето на ТВ каналите RT и Sputnik. Москва многупати го критикуваше потегот, а портпаролката на руското МНР, Марија Захарова, изјави дека таквиот потег го открил вистинското лице на т.н. западни вредности.