Русија ги задржа шансите за пласман во осминафиналето на ЕУРО 2020, откако попладнево на домашен терен во Санкт Петербург го совлада дебитантот Финска со 1:0 (1:0) во рамки на воведниот натпревар од второто коло во групата Б.
Првиот триумф на Русија на Европското првенство го донесе Алексеј Миранчук во судиското продолжение од првото полувреме.
Јоел Похјанпало, кој во премиерниот натпревар против Данска го постигна единствениот гол во историскиот прв триумф на Финците на ЕУРO 2020, денеска повторно ја затресе противничката мрежа, но неговиот гол во 5. минута беше поништен поради офсајд.
Второто коло во групата Б ќе се комплетира утре со натпреварот меѓу Белгија и Данска од 18 часот во Копенхаген.
