Русија ја обвини британската морнарица за „терористички напад“ на гасоводот Северен поток.
Руското министерство за одбрана соопшти дека британската морнарица го кренала во воздух гасоводот Северен поток минатиот месец, директно обвинувајќи ја една од водечките земји на НАТО за саботажа на клучната руска инфраструктура, пренесе Reuters.
Министерството не даде никакви докази поврзани со ова тврдење.
„Според достапните информации, претставници на британската морнарица учествувале во планирањето, организирањето и спроведувањето на терористичкиот напад во Балтичко Море на 26 септември годинава, а тоа е саботажа на Северен поток 1 и Северен поток 2“, порачаа од Министерството.
Британското министерство за одбрана засега одби да ги коментира овие обвинувања на Русија.
Русија и претходно го обвини Западот за минатомесечните експлозии кои ги оштетија руските гасоводи изградени во Балтичко Море.
