Граничната служба на руската Федерална служба за безбедност соопшти дека украински лесен авион се урнал во областа Брјанск.
Руските граничари, како што се тврди, го привеле пилотот, јавуваат руските медиуми.
„Од засега непознати причини, авионот се урна во близина на селото Бутовск“, додаваат во соопштението за медиумите.
Тие тврдат дека руските граничари уапсиле пилот кој се обидел да побегне на украинска територија.
Специјалната служба, според написите, започнала постапка против прекршителите на државната граница.
