Шефот на руската вселенска агенција Роскосмос на Twitter објави сателитска снимка од седиштето на НАТО по повод годишнината од основањето на Алијансата.
Дмитриј Рогозин ги предупреди членките на НАТО да запомнат дека Русија ги набљудува од вселената.
„На 4 април 1949 година се роди НАТО - грдата ќерка на Студената војна.
На својот роденден, НАТО може да се восхитува на својата канцеларија од сателитска снимка на вселенското летало Роскосмос. Столтенберг, кренете ја главата и мавнете со рака! Ве следиме. Имајте го тоа на ум“, напиша Рогозин.
Рогозин потсети дека на 4 април 1949 година претставници на 12 земји - Белгија, Велика Британија, Данска, Исланд, Италија, Канада, Луксембург, Холандија, Норвешка, Португалија, САД и Франција го потпишаа Северноатлантскиот договор .
„Така се роди НАТО - главната закана за целиот свет кој ја преживеа Втората светска војна“, рече Рогозин.
