Руската Федерална служба за безбедност (ФСБ) во соработка со странски партнери од Таџикистан и Киргизија, разбила меѓународна терористичка група составена од жители на земји од Централна Азија, кои планирале да извршат големи терористички напади во руските градови Москва и Санкт Петербург, соопштија од ФСБ.
Според извори од Центарот за јавна безбедност на Руската Федерација, кој зборувале за агенцијата ТАСС, во саботата во раните претпладневни часови била спроведена операција во Москва и во Санкт Петербург во која биле приведени 10 лица осомничени за терористички активности. Соговорникот додал дека кај уапсените биле пронајдени и четири импровизирани експлозивни направи со голема моќност.
Милитантите планирале да изведат акции „со цел да уништат цивили на места на кои масовно престојуваат луѓе“, додал изворот на ТАСС без да дава поединости.
„Уапсените признаа дека имале контакти со водачите на забранетата меѓународна терористичка организација Исламска држава кои се наоѓаат во регионот на Блискиот исток, за објекти кои се терористички цели, како и во однос со соработници и свои бази, како на територијата на Руската Федерација, така и во странство“, изјавиле до ФСБ.
