Професионалното шамарење, брутален спорт што потекнува од Русија, се здобива со популарност во САД откако натпреварувачкото реално шоу Power Slap започна да се емитува кон крајот на јануари.
Некои од најважните луѓе во УФЦ, меѓу кои и претседателот Дејна Вајт, почнаа да работат на неговата промоција, пишува The Insider.
„Ако се сомневате дека општеството како такво се распаѓа, само гледајте епизода од Power Slap на TBS. Тоа е вознемирувачка и многу лоша содржина од која не можете да го тргенет погледот. Професионално шамарење. Што значи тоа? Ова е доказ колку сме сите заебани. Помогнете ми!“ напиша на Twitter боксерскиот промотор Лу Дибела.
Дибела сето тоа го нарече „организирано уништување мозок“ и дека тоа нема никаква врска со ММА и УФЦ. Тој додаде дека не може повеќе да го гледа бидејќи се чувствувал ужасно валкано дури и кога го гледал на телевизија.
Борбите со шамарење е во зачеток како спорт во САД. Спортската комисија на Невада го смета за спорт од крајот на минатата година, иако на состанокот на кој беше донесена таа одлука, на која беше и The Insider беа покренати многу сомнежи. Шефот на комисијата од претставникот на УФЦ побара гаранции дека никој нема да умре во Power Slap.
„Дали сте сигурни дека никој нема да умре?“, праша комесарот Стивен Клубек, веројатно мислејќи на случајот со Полјакот Артур Валчак, кој почина на 46-годишна возраст како резултат на учество на таков настан во 2021 година.
„Тоа е приоритет број еден, два и три“, одговори Хантер Кембел и продолжи да брои до десет. „Непотребно е да се нагласи тоа, бидејќи нашата главна цел за време на тестовите беше да утврдиме дека сè е безбедно.
Но, тоа не изгледа така ако ги погледнете видеата од натпреварите во овој спорт ширум светот кои се шират на социјалните мрежи. На едно неодамнешно натпреварување во Романија, на еден натпреварувач му беше целосно сменет „личниот опис“, но сепак успеа да победи. Левата страна од лицето му беше страшно отечена, крвареше, усната му беше на страна и изгледаше непрепознатливо.
Неврохирургот и експерт за потрес на мозокот Крис Новински остро го критикуваше спортот. Рече дека тоа е „тажно“ и дека во него луѓето кои не ризикуваат ништо ги изложуваат оние кои многу ризикуваат. Боксерскиот промотер Дмитриј Салита откако го виде видеото од настапот на Комса изјави дека сето тоа е „застрашувачко“.
Го прашавме за коментар за изјавата на Дејна Вајт, кој рече дека Power Slap е помалку брутален од боксот, бидејќи во Power Slap натпреварувачите разменуваат најмногу три удари, а во боксот ги има неколку стотици во текот на мечот.
„Како член на боксерската заедница, ова ме згрозува. Не знам многу за ММА, знам многу за боксот, но во двете дисциплини тренирате одбрана и напад. Тоа е форма на уметност и убаво е, и оние кои се разбираат знаат колку се бара од спортистот и колку е тешко да се совлада техниката.
Не постои во оваа форма на забава. Имате време совршено да се поставите, а противникот воопшто не може да се одбрани, туку мора да стои во место и да го прими ударот. Тренинзите ќе напредуваат, ударите ќе напредуваат и последиците ќе бидат сè потешки. Потреси, скршени заби и вилици. Страшно е, сосема лудо“, изјави Салита и додаде:
„Тоа нема никаква врска со спортот. Мора да има некој начин на одбрана бидејќи ова е опасно. Овие луѓе се онесвестуваат како да се удрени со бејзбол палка. Тоа не придонесува за боречките вештини на кој било начин, многу помалку за општеството како такво“.
Елитниот боксер Рајан Гарсија беше шокиран од она што го виде во Power Slap. Веднаш на Twitter напиша дека ова натпреварување треба да се прекине, а со него се согласува и претседателот на Showtime, Стивен Еспиноза, чија телевизија ќе го пренесува големиот меч меѓу Гарсија и Жервонт Дејвис.
„Тешко ми е ова да го наречам спорт. Има аспект на издржливост, но се сè сведува на тоа кој може посилно да удри без одбрана. ММА и боксот се опасни, но дел од тие спортови е одбраната. Единственото нешто што можете да добиете тука е потрес на мозокот... Не го поддржувам тоа“, заклучи Еспиноза.
