Соединетите Американски Држави ѝ доставија на Украина 5.000 единици оружје запленети при транспорт од Иран во Јемен.
„САД ѝ предадоа на Украина повеќе од 5.000 автомати АК-47, митралези, снајперски пушки и рачни фрлачи на противтенковски гранати RPG-7 запленети за време на инспекција на бродови кои доставуваа стока од Иран за јеменските Хути“, соопшти денеска Централната команда на САД (CENTCOM).
Трансферот е извршен на 4 април, се наведува во соопштението и се додава дека на вооружените сили на Украина биле испорачани повеќе од половина милион чаури од 7,62 мм.
