Кристијано Роналдо и Лионел Меси ги одбележаа претходните 15 години во европскиот и светскиот фудбал, а станаа препознатливи како врвни изведувачи на пенали.
Сепак, има двајца голмани кои одбранија пенали и на аргентинскиот и на португалскиот волшебник.
Португалецот Кристијано Роналдо промаши пенал во осминафиналето против Словенија во Германија.
Голманот на Словенија, Јан Облак, за прв пат во кариерата од 11 метри го сопре еден од најдобрите фудбалери на сите времиња и на тој начин ја спаси својата репрезентација, која подоцна беше поразена во пенал-рулетот.
Облак е еден од голманите кои ги сопреа и Меси и Роналдо од белата точка, а другиот е Бразилецот Џиегу Алвис Карејра, поранешниот голман на Валенсија, кој во Ла Лига има одбрането рекордни 23 пенали.
Меси погоди 24 од 29 пенали за репрезентацијата, додека Роналдо 20 од 28 пенали.
Облак му одбрани пенал на Меси во четвртфиналето од Копа деј Реј во 2015 година, а исто така го спречи Роналдо од белата точка за прв пат во осминафиналето на ЕУРО 2024.
Од друга страна, споменатиот Бразилец му одбрани дури 3 од 4 пенали на португалскиот велемајстор, додека на Меси му одбрани еден пенал во 2012 година.
📊 Jan Oblak, alongside Diego Alves, are the only two goalkeepers in history who have saved penalties from both Cristiano Ronaldo and Lionel Messi.@ftblofficial pic.twitter.com/ci6xckXRIo
— Atletico Universe (@atletiuniverse) July 3, 2024