Кошаркарите на Голден Стејт Вориорс ноќеска намалија на 3-2 во серијата против Лос Анџелес Лејкерс во полуфиналето од плеј-офот на Западната конференција.
Актуелните шампиони ноќеска се соочија со елиминација, но победија со 121:106 и ја продолжија серијата.
Вориорс до победата беа предводени од Стеф Кари кој постигна 27 поени и запиша 8 асистенции, потоа Ендрју Вигинс со 25 поени, 7 скока и 5 асистенции, како и Дрејмонд Грин со дабл-дабл учинок од 20 поени и 10 скокови.
Кај гостите од Лос Анџелес најефикасен беше Леброн Џејмс со 25 поени и 9 скока, а Ентони Дејвис додаде 23 поени и 9 скока.
Лејкерс имаат уште две шанси да се пласираат во финалето на Западната конференција. Следниот натпревар, шести во серијата, ќе се игра во петок навечер во Лос Анџелес, или по македонско време во 4 часот утрото во сабота.
Во вториот натпревар одигра ноќеска Њујорк Никс се најде во иста ситуација како Голден Стејт - исто така победи и ја продолжи серијата. Никс го победија Мајами Хит со 112:103 и намалија на 3-2, но Хит се домаќини во следниот натпревар и ќе имаат можност да ја завршат работата и да влезат во финалето на Истокот.
