Баерн денеска потврди дека Лирој Сане заработил повреда на препоните во синоќешниот натпревар против Фрајбург.
Минхенскиот клуб излезе со соопштение во врска со повредата на напаѓачот, за кого не се знае кога ќе се врати на зелениот терен и се стравува дека нема да може да патува на светскиот собир во Катар.
„Баерн некое време ќе биде без Лирој Сане. На 26-годишниот играч за време на неделната победа против Фрајбург (5:0) му пукна мускул на задниот дел од левата бутина. Тоа го покажаа деталните прегледи на нашиот лекарски тим“, стои во клупското соопштение.
Сане во неделниот дуел беше стрелец на третиот гол за Баерн, а сезонава во сите натпреварувања на 16 одиграни натпревари постигна 10 гола на кои додаде 6 асистенции.
Синоќа теренот го напушти во 52. минута.
Поради повреда Сане го пропушти Мундијалот 2018 во Русија, а сите очекуваа дека ќе биде дел од тимот на Ханси Флик на претстојниот Мундијал во Катар. Но, сега прашање е дали ќе успее на време да се опорави.