Министерството за внатрешни работи информира дека синоќа на територија на град Скопје биле изречени 212 мерки, додека во Битола 42 мерки.
Во Скопје, изречени се 76 санкции за возење повеќе од дозволената брзина, 24 мерки за возење без возачка дозвола, 7 санкции за прекршоци што ги прават возачите на мотоцикл, 10 мерки за користење мобилен телефон, 6 за возење под дејство на алкохол, 8 за нерегистрирани возила…, информираат утрово од МВР.
На територијата на СВР Битола синоќа била спроведена засилена акциска контрола за санкционирање на возачи кои управуваaт возило со брзина поголема од пропишаната, при што се санционирани 42 возачи.
„Од нив 32 возачи ја пречекориле брзината во населено место, а 10 надвор од населено место. На сите прекршители изготвени им се соодветни поднесоци“, информираат од МВР.
Засилените акциски сообраќајни контроли продолжуваат и во наредните денови.
