Во текот на вчерашниот ден (20.02.2021) Мобилната единица за безбедност во сообраќајот на патиштата спроведе зајакната акциска контрола при што се санкционирани вкупно 383 возачи за различни прекршоци.
На автопатот Гевгелија-Куманово се санкционирани 122 возачи кои возеле со брзина поголема од дозволената. Од нив, 19 возила се движеле со брзина над 50 километри на час повеќе од дозволеното, а пет возила со брзина над 70 километри на час повеќе од дозволеното.
Полициски службеници од СВР Куманово спроведоа акциска контрола за санкционирање на возачите што возат со поголема брзина од дозволената на територијата на Куманово и Липково. При тоа санкционирани се 62 возачи кои управувале возила со брзина поголема од дозволената. Покрај тоа, од сообраќај се исклучени 12 возила поради други прекршоци.
Министерството за внатрешни работи во текот на вчерашниот ден продолжи со засилените акциски контроли и на територијата на град Скопје каде се изречени вкупно 199 мерки, од кои 23 за возење без возачка дозвола, 49 за управување со брзина поголема од дозволената, 29 мерки за возење под дејство на алкохол, 11 мерки за нерегистрирани и технички неисправни возила, 5 за поминување на затворен семафор (црвено светло), 12 мерки за користење на мобилен телефон, 7 за некористење на сигурносен појас и 29 санкции за непрописно паркирање.
„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, апелираат од МВР.
