Фернанду Сантуш проговори за можна оставка од селекторската функција на португалската репрезентација, која ќе игра во баражот за пласман на Светското првенство 2022 година.
На прашањето од новинарите дали разговарал со Фернанду Гомеш, претседателот на Португалската фудбалска федерација, за можно повлекување по поразот од Србија, Сантуш одговори:
„Не, не ни помислив на тоа. Кога преговарав со Гомеш во 2014 година, реков дека ако не ја завршам задачата, ќе си заминам истиот ден, без никакво одлагање. Ги решив сите задачи што ми беа доделени. Одевме на големи турнири три пати, но сега не успеавме директно. Сепак, колку пати Португалија играла во баражот?“
Португалскиот селектор најави заминување во случај на неуспех во баражот за Мундијалот во Катар.
„Ако не се квалификуваме на СП 2022, ќе си заминам“, истакна Сантуш.
Жрепката на групите за баражот е закажана за 26 ноември, а можен противник на Португалија е и Македонија.
