Музичари, семејство, пријатели и обожаватели, сите се збогуваа од легендарната кралица на соул музиката, Арета Френклин, која е погребана во Детроит. Целата церемонија на погребот траеше седум часа.
Тоа беше и прослава и тагување за една голема жена каква што беше Арета, а масата луѓе спонтано и заигра.
Меѓу познатите кои настапија во нејзина чест беа Аријана Гранде, Чака Кан и Стиви Вондер.
Во поворката која ја испраќаше, беа забележани вкупно 140 розови Cadillac автомобили, а нејзиното тело беше во златен ковчег.
На Арета и беше оддадена почит, не само како на кралица на соул музиката, туку и како на тетка, баба, пријателка и активист во борбата за човекови права.
„Причината поради која сме сите ние денеска тука е љубовта. Сите ја сакавме. Секогаш ќе те сакам“, рече Стиви Вондер, па ја испеа песната „As“.
Аријана Гранде го отпеа големиот хит „A Natural Woman“.
Големиот обожавател на музиката на покојната соул легенда, поранешниот американски претседател Барак Обама, не можеше да присуствува на погребот, меѓутоа испрати писмо, кое беше прочитано на церемонијата.
„Преку својот глас, Арета подигна милиони луѓе охрабрувајќи ги и инспирирајќи ги чувствителните, угнетените и сите оние на кои им треба малку љубов“, напиша Обама во својата порака.
Честа лично да зборува за покојната музичарка, ја имаше и Бил Клинтон.
„Тоа беше глас на генерацијата, можеби и на векот, а работеше и во годините кога никој не и посветуваше внимание. Живееше храбро, надминувајќи го секој страв, живееше со верба, живееше моќно. Ја сакав“, рече тој.
Градоначалникот на Детроит најави дека размислува името на градскиот парк да го преминува во „Парк Арета Френклин“.