Повеќе од 12 години јавноста ја немаше видено Бриџит Фонда, нејзините последни фотографии беа направени во 2009 година, кога со сопругот Дени Елфмен присуствуваше на филмска премиера на Квентин Тарантино.
Бриџит Фонда порано важеше за една од најубавите жени во светот, а славната актерка по долга пауза неодамна е видена во јавноста. Папараците успеаја да ја фотографираат 58-годишната Фонда на улиците во Лос Анџелес, а актерката изгледа непрепознатливо.
Некогаш витата и згодна актерка овие денови изгледа поинаку, пишува Daily Mail. Видливо е дека има вишок килограми, а нејзината препознатлива руса коса сега е седа.
Иако беше една од најбараните холивудски актерки во текот на 90-тите години на минатиот век, Бриџит во 2002 година донесе одлука со која ги растажи обожавателите низ светот. Поради семејни причини се откажа од глумата и одлучи да живее далеку од Холивуд.
Посветена на семејниот мирен живот, таа сега живее со 68-годишниот сопруг Дени и нивниот 17-годишен син Оливер на два имота во Лос Анџелес. Бриџит потекнува од семејство на славни актери, нејзин татко е легендарниот Питер Фонда, нејзина тетка е славната Џејн Фонда, а дедо ѝ е познатиот актер Хенри Фонда.