Биографски филм за животот на Илон Маск е во развој, потврди Variety.
Ќе го режира Дарен Аронофски (The Whale, Black Swan), под будното око на продуцентскиот тим на студиото А24.
Филмот ќе се заснова на биографијата на Илон Маск од Волтер Ајзаксон. Ајзаксон напиша и биографска книга за Стив Џобс, која се претвори во драма филм од 2015 година за ко-основачот на Apple, со Мајкл Фасбендер во главната улога. Фасбендер доби номинација за Оскар за неговата изведба во категоријата најдобар актер, но победата ја освои Леонардо Дикаприо.
Не се знае кој ќе го глуми Маск, ниту кога филмот ќе биде објавен. Сега кога штрајкот на актерите заврши, со нетрпение се чекаат аудиции за да се открие кој актер ќе го портретира основачот на SpaceX и најбогатиот човек во светот.
