Многумина родители веруваат во митовите дека покачената телесна температура може да му наштети на детето. Не постои мајка на светот која не ја поминала ноќта покрај своето дете, проверувајќи му ја телесната температура на секој час.
Но, што велат лекарите?
Температурата во најголемиот број од случаите е безопасна, а многу често и корисна.
Еве што педијатрите би сакале родителите да знаат за покачената телесна температура кај децата.
Мит - Детето е топло на допир, сигурно има температура
Вистина:
Децата можат да бидат топли од многу причини - кога се играат, плачат, кога ќе се разбудат, кога ќе станат од топлиот кревет, доколку во просторијата е премногу топло, но тоа не значи дека детето е болно.
Во повеќето случаи, температурата на кожата се враќа во нормала по дваесетина минути.
Мит – секоја температура е лоша за детето
Факт:
Температурата „го чува“ имунитетот, помагајќи му на организмот да се избори со инфекцијата. Доколку детето е болно, покачената температура е знак дека телото се бори против инфекциите.
Мит – температурата повисока од 40 степени е опасна и може да предизвика оштетување на мозокот
Вистина: Tемпературaта која ги следи вообичаените инфекции не предизвикува оштетувања на мозокот. Ова може да се случи доколку температурата надмине 42 степени, но тоа се случува многу ретко. Телесната температура надминува 42 степени кога внатрешната температура е превисока.
Мит - се прави превенција на температурата со лекови уште кога ќе почне
Вистина: Се консумираат таблети кога температура ќе надмине над 38,5 степени.
Мит – доколку не се реагира, температурата ќе продолжи да расте
Вистина: Mозокот знае кога телото е жешко. Во најголем број од случаите, кога се во прашање вообичаени инфекции кои се проследени со температура, таа нема да надмине 39,5 или 40 степени.
Мит - доколку таблетите ја намалат температурата, нема да се зголеми пак
Вистина: Кај повеќето вирусни инфекции, температурата трае два до три дена.
Температурата ќе остане нормална сè додека трае дејството на антибиотиците, а потоа ќе продолжи да расте и можеби ќе биде потребно детето да прими уште една доза по препорака од лекарот.
Мит - доколку температурата е висока, станува збор за нешто сериозно
Вистина: Самата температура не зборува ништо за сериозноста на проблемот. Доколку детето изгледа и се однесува како да му е лошо, тоа укажува дека инфекцијата не е толку опасна како она што го покажува топломерот.
Наредниот пат кога вашето дете ќе има покачена телесна температура, сетете се дека температурата му помага на организмот да се бори со инфекциите .
