Американецот Сајмон Џексон стана хит откако објави видео како се вселува во својата канцеларија. Како што објасни, не бил доволно платен за да си дозволи стан, па решил да протестира против својот работодавец. Видеото собра преку 13 милиони прегледи, а Сајмон набрзо беше отпуштен.
Откако компанијата во која работи Сајмон се префрлила на работа од дома поради пандемијата со коронавирусот, тој одлучил како ниско платен вработен да се пресели во канцеларијата која најчесто била целосно празна.
Објави видео на својот TikTok профил како го подготвува својот нов „простор за живеење“ и се снимал како отпакува куфер со облека, материјали и други лични предмети.
„Се селам од мојот стан во кабината на работа. Не ми плаќаат доволно за да работам во канцеларија и да имам стан, па затоа ќе живеам на работа во знак на протест. Ќе видиме до кога ќе издржам“, напиша Сајмон, сместен во центарот на Сиетл.
@calm.simon Check out my new apt
♬ original sound - Calm Simon
Откако неговото прво видео собра преку 13 милиони прегледи, Сајмон продолжи да го документира својот живот и успеа да помине четири дена.
„Технички, никогаш не можете да доцните на ваква работа“, беше воодушевен Сајмон.
Неговиот план тргнал наопаку кога работодавачот дознал што направил Џексон. Го принудил да го напушти новиот „дом“, а одделот за човечки ресурси по објавените видеа побарал од Сајмон да ги избрише.
„Тоа се случи многу порано отколку што очекував. Но, ви благодарам што ме следевте. Ова е крајот на ова поглавје, но не е последното што ќе го видите од мене", напиша Џексон, додавајќи дека веројатно ќе живеел таму засекогаш ако не снимал.
Во видеото објавено во вторникот Џексон ја информираше својата публика дека на крајот добил отказ, но заблагодарувајќи им се за бројната поддршка и љубов што му ја покажале. Тој исто така рече дека сега размислува да заработува од TikTok.
„Собрав толку многу критики, па можеби ќе можам да направам нешто од тоа. Ако не успее, секогаш можам да најдам друга работа“, рече тој, додавајќи дека не е исклучено повторно да се занимава со канцелариска работа.
@calm.simon Reply to @sarahlempa don't cry because it's over, smile because it happened #homingfromwork ♬ original sound - Calm Simon
„Ова беше забавно. Сите го знаевме крајниот резултат, но се надевавме на најдоброто“, напишал еден корисник.
„Ти си легенда“, порача друг.