#СедиДома и читај македонска поезија - Ана Голејшка Џикова

На Светскиот ден на книгата почнуваме со серијалот #СедиДома и читај македонска поезија со кој ќе ги доближуваме современите македонски поети до вас, нашата читателска публика.

Целта ни е да го разубавиме вашето секојдневие со квалитетна содржина, додека истовремено ве запознаваме со македонските поети кои ги сакаме и сакате, а можеби и со оние за кои не сте слушнале досега.

Уметноста ќе го спаси светот, во тоа цврсто и несомнено веруваме!

Чест ни е да го отвориме серијалот со Ана Голејшка Џикова, поетеса која има оставено повеќе од еден печат во живеењето на модерно Скопје.

 

2015

 

Сосема малку ми фали

да сум сама додека светот не е сам

да си купам љахмаџун со две парчиња лимон

една шапка, три пара чорапи

кармин со боја на зајдисонце

да ја фатам Чаршијата за врвот од носот

да кажам добар ден

додека богот развива молитва низ калдрмите

да ме штрецне нешто низ дамарот

да заплачам пред скутот на големата менада

на местата што веќе ги нема

и мене ме нема

жими сѐ, ќе се молам како најголема грешница

а

навистина, и мене ме нема

само срцето ми пулсира во кафезот

и се претвора во птица.

 

****

Да те љубам, без да те допрам

така ми наложија од министерствата

да те гушнам, а да се сопрам

така ми пишаа налог од полицијата

Стравичното во нас, вирее како лотос во луњава река

не се знае кога ќе има бисер, кога калта ќе го чека

Во отуѓувањето лежи сопствениот дом со дезинфициран ѕид

најчистиот затвор е само слика

за овој премин на човечкиот вид

 

Невреме

 

Времето поминува

сапунот се потроши - сега никој повеќе не е вистински чист

се редиме во колона, за колонска вода

но нема поента - крајот за сите е ист

порано или подоцна

како круна на главата

доаѓа финалето

без публика, без судија, без писок за крај

а ќе си речеш

„планиравме краток одмор некаде средина на мај“

 

 

понекогаш е во ред да си изгубен

 

го сонував дедо ми, со сина кошула како море

читаше весник, задлабочен како да нурка

сакав да го прашам како се чувствувал

кога му умреле две ќерки

NADMASIO STENLI METJUSA

стоеше исечок од весник во дневната

дедо ми бил фудбалер

од небесата

 

Куса биографија

Ана Голејшка Џикова е родена на 8.8 1987.  Дипломирала  на Катедрата за Општа и компаративна книжевност, (не)случаен поет, љубител  на перформансот, градот и уживањата низ него. Социјален активист со искуство во невладиниот сектор. Втора година е дел од здружението на граѓани „Светулка НОРА“, како координатор на проекти во насока на подобрување на животот на бездомните и социјално ранливи граѓани.

Осцилира низ книжевната сцена, често како интерпретатор на стихови, свои и туѓи.  Настапувала на многу поетски читања, а имаше свој настап и на Струшките вечери 2011, на Ноќи без интерпункција, како и учество во читањата во склоп на СВП наредните години. Во септември 2013 ја издаде својата прва книга “Љубов на улица”(Култура), поезија за ритамот на нејзиниот живот . Во 2018 излезе од печат нејзината втора книга поезија „Напишан дом“ (Антолог). Објавувана е на неколку портали како дел од книжевните текови, со свои дела и видувања за поезијата. Беше витален дел од градењето на книжевните читања „Астални проекции", од кои во 2018 заедно со Ѓоко Здравески ја објавија монографијата „Астални проекции“. Има пишувано детски песнички за потребите на детското списание „Либи“.  Во 2019 во издание на Арс Ламина излезе „Веселата зграда“, нејзина прва сликовница за деца, во соработка со илустраторот Драш. Во моментов работи на своите две нови сликовници и е активен соработник пишувајќи детски песнички за електронското списание за деца – „Чудна Шума“.

Живее во Скопје.

реклама

Чулев: Порастот на заболени е директна последица на фактот дека власта тераше дневен ПР

Read more

Пендаровски: Ќе донесам одлука за нова 14-дневна вонредна состојба

Read more

Минеаполис: Уапсен полицаецот виновен за смртта на Џорџ Флојд

Read more

Wizz Air ќе лета од Скопје за Салцбург од 3 јули

Read more

Книги

Џ.К. Роулинг најави нова книга за деца

Read more

#СедиДома и читај македонска поезија - Јосип Коцев

Read more
Животот на писателот Џ.Д. Селинџер и еден негов расказ

Животот на писателот Џ.Д. Селинџер и еден негов расказ

Read more
#СедиДома и читај македонска поезија - Снежана Стојчевска

#СедиДома и читај македонска поезија - Снежана Стојчевска

Read more

Магазин

Чорба на денот: Витаминска бомба од лосос и зеленчук

Читај повеќе
  • play_arrow

Неделен план со вежби за слабеење за мајки

Читај повеќе
  • play_arrow

За 30 дена во карантин завршила 20 онлајн курсеви

Читај повеќе
  • play_arrow

Тајсон ја откри тајната за „новата младост“: Не е сè во исхраната и вежбањето

Читај повеќе
  • filter

Жители на Амстердам: Градот е почист и потивок без туристите

Читај повеќе

Принц Вилијам: Здравствените работници не треба да ги нарекуваме „херои“

Читај повеќе

Пет работи кои треба да ги знаете доколку сте вљубени во Водолија

Читај повеќе

Келимуту – свето место со три езера кои менуваат боја

Читај повеќе

Домашен сок од јагоди

Читај повеќе