Здравје

Седум начини како да го подобрите здравјето оваа пролет

25. март 2019 - 15:45 | Б.С.Б.

Пролетта е идеален период за воведување промени кои ќе го подобрат вашето здравје. Одделивме неколку совети од нутриционисти со чија помош ќе го освежите организмот.

1. Јадете целер

Експертите го сметаат целерот за намирница која помага во намалувањето на крвниот притисок, а исто така има ефект на диуретик. Со тоа помага во елиминирањето на вишокот течности.

„Смутито од целер не е најдобра опција за консумирање бидејќи со блендирањето се намалуваат влакната кои се добри за здравјето на цревата“, истакнува нутриционистката Ријанон Ламбер.

Наместо тоа, најдобро е да го исецкате и таков да го додадете во оброците.

2. Квалитетен сон

Недостатокот на сон се поврзува со повеќе здравствени проблеми, почнувајќи од вишок на килограми до Алцјахмерова болест. Доколку имате проблеми со спиењето гледајте секој ден да минувате најмалку половина час надвор, бидејќи сончевата светлина влијае на спиењето.

3. Не се исцрпувајте

Бидете физички активни, но немојте претерано да се исцрпувате на тренинзите. Експертите советуваат да се занимавате со активности кои не се премногу интензивни, како на пример јога.

4. Масажа

Масажата може да ве опушти, да ја подобри циркулацијата и да ги исфрли токсините од телото.

5. Јадете печурки

Екстрактот од печурки е сè почеста состојка во производите за кожа поради позитивните ефекти против стареењето. Јадете печурки бидејќи освен што ќе ве одржуваат младолики, тие го подобруваат и имуниот систем.

6. Пијте кефир

Ферментiраните намирници, меѓу кои и кефирот, добро делуваат на бактериите во цревата, а спречуваат лошите бактерии да ја преземат контролата.

7. Вежбајте

Не постојат доволно добри изговори за да не вежбате, особено не во денешно време кога на YouTube може да најдете толку вежби, без никаква опрема.

Коментирај