Секој од нас е приказна за себе, со своите аспирации, мисли и однесување. Затоа, секој пар е различен, особено брачните парови.
Сите ние гледаме на институцијата брак со различни очи. И тоа е во ред. Сепак, има нешто што е заедничко за сите парови, а ова се трите фази во бракот низ кои минуваат сите
Можеби вашето искуство со саканата личност е различно од искуството на вашите најблиски пријатели, па затоа потешкотиите со кои се среќавате се различни, но она што е заедничко се фазите низ кои поминуваме како парови.
ПРВА ФАЗА – Блаженство
Кога сте заљубени, гледате сѐ - од саканата личност до остатокот од светот - преку розови очила. Способни сте целосно да ги игнорирате недостатоците и да ги видите само доблестите на вашиот партнер. Го гледате само она што ве прави да се чувствувате добро и ги игнорирате лошите работи. Со други зборови, ја прифаќате секоја ситуација во брачниот живот со насмевка на лицето и сигурно вашата сексуална интимност е на врвот. Вие и вашиот партнер работите подеднакво напорно за да го направите вашиот брак успешен и да се усреќите. Исто така, се обидувате да избегнете работи што би го направиле вашиот партнер несреќен и би го повредиле. Почитување, поддршка и отсуство на осуда – сѐ по список. Се сакате безусловно и секогаш ги ставате потребите на другиот пред сѐ друго. Вистинско блаженство. Единственото нешто што може да ја наруши оваа фаза се повторувачките - лоши форми на однесување, како неговите валкани чорапи.
ВТОРА ФАЗА - Предизвик
На паровите им е тешко да разберат дека фазата на блаженство мора да заврши некогаш. Со текот на времето, се појавуваат по малку иритирачки форми на однесување. Колку подолго сте во брак, толку повеќе треба да се соочувате со различни работи и да разговарате за поголеми прашања. Има конфликт на мислења за прашањето за воспитувањето на децата, пари, кариера, преселба. Одеднаш, двајца консензуални партнери имаат точки на несогласување. Безусловната љубов почнува да ја напаѓаат чувства на конфузија, фрустрација и разочарување. Наместо да се концентрирате на сличностите со вашиот партнер, вие само ги гледате разликите и недостатоците на партнерот. Сакате вашиот партнер пак да биде личноста која мислевте дека е порано. За првпат, почнувате да се концентрирате на вашите потреби, наместо постојано на неговите. Многумина во оваа фаза мислат дека недоразбирањата се коренот на нивните конфликти.
ТРЕТА ФАЗА – Емотивно повлекување
Во фазата на блаженство, секој сака да го направи својот партнер среќен. Во фазата на предизвик, вие сте повеќе фокусирани на вашите сопствени потреби, поради што е потешко да се грижите за емоционалните потреби на вашиот партнер. Во третата фаза, вие сте фокусирани на себе и на - победа. Наместо да ги гледате постапките на вашиот партнер како глупави, сѐ повеќе него го сметате за таков. Се чини дека е сѐ поочигледно дека негодувањето, сарказмот и лутината не се соодветни за решавање на конфликтите, но повеќето луѓе во брак сепак ги применуваат. Значи, целта е да победиме и да бидеме во право. Во оваа фаза, сѐ што сакате е да го почувствувате вкусот на победата. Чувствувате дека е невозможно да се решат разликите што се присутни, и секој нов обид и неуспех ќе ве разочара уште повеќе. Наместо да продолжите по овој болен пат, вие избирате емоционално повлекување. Иако ова е фазата во која браковите обично пропаѓаат, добар дел од нив се сеќаваат на фазата на блаженство и го повлекуваат својот партнер на вистинската страна.
